Sunday, March 30, 2008

ബൂലോകരുടെ കൂടിക്കാഴ്ച..


































കണ്ണോരം കുറേ ബൂലോകര്‍ കൂടിനിന്നപ്പോള്‍ എന്റെ റിനുവിനും ഫെനുവിനും ഒരു സംശയം!

“പപ്പാക്കെവിടുന്നാ പെട്ടെന്നൊരു ദിവസം ഇത്രയധികം ഫ്രന്‍ഡ്സിനെ കിട്ട്യേത്”.....

ചോദ്യത്തിനുത്തരം ഒരു അഭിമാനമായി എന്റെ ഉള്ളില്‍ തലപൊക്കി.
അതൊരുപദേശമാക്കി ഞാനവര്‍ക്കു പറഞ്ഞുകൊടുത്തു.

‘ഒഴിവു സമയങ്ങളില്‍ നിങ്ങള്‍ക്കു തോന്നുന്നതെന്തെങ്കിലും എഴുതിവെച്ചു
വായന ഇഷ്ടപ്പെടുന്നവരുടെ മുമ്പിലെത്തിച്ചു ഒളിഞ്ഞു നോക്കുക.....ചിലരൊക്കെ കണ്ണുരുട്ടും. എന്നാലും നിറുത്തരുത്. കുറേയാകുമ്പോള്‍ പണ്ടാരം ഇതൊന്നു വായിച്ചു നോക്കാമെന്നു
ആരെങ്കിലും കരുതിയാല്‍, ഒരു അഭിപ്രായം കിട്ടാന്‍ സാദ്ധ്യതയുണ്ട്. നന്നായില്ല, എന്താ ഇത്, ഇനി എഴുതരുതെ...എന്നൊക്കെ ആയിരിയ്ക്കും പ്രതികരണം. അപ്പോള്‍ വീണ്ടും നന്നാക്കി എഴുതാന്‍ തോന്നും, തോന്നണം. ആദ്യം വായിച്ചവര്‍ ചിലപ്പോള്‍ വീണ്ടും, അല്ലെങ്കില്‍ പുതിയവരെങ്കിലും പിന്നെ വായിച്ചെന്നിരിയ്ക്കും.....അങ്ങനെ നമ്മളെഴുതുന്നത് വായിക്കുന്ന കുറേ കൂട്ടരുണ്ടാകും...അവരുടെയടുക്കല്‍ നിന്നും കുറേ പുതിയ അറിവും കിട്ടും....പിന്നെ നല്ല സൌഹൃദവും....
ഞങ്ങളെല്ലാം അതുപോലെ പരസ്പരം വായിച്ചവരാണ്. ഇപ്പോളിതാ നേരില്‍ കാണാനുള്ള സൌഭാഗ്യവും...

നിങ്ങള്‍ക്കും ഇതുപോലെ എഴുത്തിലൂടെയും വായനയിലൂടേയും കൂറെ ചങ്ങാതിമാരെ സമ്പാദിക്കാം...’
റിനുവും ഫെനുവും മനസ്സിലായെന്നു തലയാട്ടി.

നല്ല കൂട്ടായ്മ!

എനിയ്ക്കു പെട്ടെന്നു പോരേണ്ടി വന്നത് മ്മിണി കഷ്ടായി. ആരൊക്കെ എന്തൊക്കെ കോപ്രാട്ടിത്തരം കാണിക്കുന്നുണ്ടെന്നു കാണണമെന്നുണ്ടായിരുന്നു.
മൂന്നു മണിയ്ക്കു തന്നെ ഹാജരാവാന്‍ പുറപ്പെട്ടു; മ്മടെ ദുബായിയുടെ സ്ഥിതിയല്ലെ? സമയം എവിടെ പോയതെന്നറിഞ്ഞില്ല. കായല്‍ക്കര തോട്ടത്തിന്റെ രണ്ടാം കവാടം തേടി പിടിച്ചപ്പോള്‍ മണി മൂന്നര. പിന്നെ പരുന്തിനെ പോലെ ഞാനും മച്ചുനനും (ബൈജു സുല്‍ത്താന്‍) ഏഴെട്ടു തവണ കറങ്ങി, ഒരു നില്‍ക്കക്കള്ളി കിട്ടാന്‍.

വേണ്ടുന്നതിനും വേണ്ടാത്തതിനും വന്നവരുടെ കാറുകളുടെ കൂമ്പാരം. എവിടെ നിര്‍ത്തും?.....

ഒരിടത്തൊതുക്കി തോട്ടത്തില്‍ കടന്നപ്പോ മുമ്പും പിമ്പും മാറിപ്പോയ അങ്കലാപ്പ്. ഞങ്ങളുടെ മുന്‍ഭാഗമാണ് അഗ്രജന്റെ പിന്‍ഭാഗം എന്നു മനസ്സിലായപ്പോഴെയ്ക്കും മണി നാല്! മല്ലുമുഖങ്ങള്‍ കണ്ടു സംശയത്തോടെ ബൈജു പരന്നിരിയ്ക്കുന്ന ഒരാളുടെ ചെവിയില്‍ ചുണ്ടടുപ്പിച്ചു ആംഗലേയത്തില്‍ ചോദിച്ചു...“ആര്‍ യു ബ്ലോഗന്‍സ്..?”
മചുനന്‍ പെട്ടെന്നു ബൌണ്‍സ് ചെയ്യുന്നതു കണ്ടപ്പോഴെ ഞാന്‍ കരുതി ചോദ്യം വഴുതിപ്പോയെന്ന്...
പിന്നെയാണ് അഗ്രജന്റെ കുപ്പായം ആക്രിപ്പച്ചയാണെന്നും, നീലയും മഞ്ഞയും നിറമുള്ള കെട്ടിടത്തിന്റെ മുന്‍ വശമാണ് പിന്‍ വശമെന്നതും, പിന്‍ വശം മുന്‍ വശമാണെന്നുമൊക്കെയുള്ള തിരിച്ചറിവുണ്ടായത്....

കൂട്ടത്തില്‍ ചേര്‍ന്നപ്പോള്‍ മണി നാലര!
അതുകൊണ്ടു ഉള്ളവരുടെ മുമ്പിലൊക്കെ ഒന്നു ഹാജ്ജരായി സ്ഥലം വിടേണ്ടിവന്നു,
സര്‍വ്വ ബൂലോകരും ക്ഷമിയ്ക്കുക.

Lath.
latheefs.blogspot.com
drlathif@emirates.net.ae


















1 comment:

കാവലാന്‍ said...

ഭടന്‍,നല്ല വിവരണങ്ങളും ഫോട്ടോസും ഇത് അഗ്രിഗേറ്ററിലൊന്നും കാണിച്ചില്ലെന്നു തോന്നുന്നു
അഗ്രൂസ് ചതിച്ചു എന്നു പറഞ്ഞ് ഒന്നു കൂടിപോസ്റ്റുക.


പിന്നെ വേര്‍ഡ് വെരിഫിക്കേഷന്‍ ഒഴിവാക്കിയാല്‍ നന്നായിരുന്നു.